Quiero más ser romanu
Duldando y duldando si votar al Frente Popular de Xudea, o al Frente Xudaicu Popular... aporté a la conclusión de que lo meyor ye ser romanu y nun t'esmolecer por pih.aes.
Llevo pocos años votando, pero yá cansé de tirar el votu a los allumaos de siempres que faen y desfaen nos sos corripios... Y ello ye qu'un partíu necesita una cosa penriba de les demás, pa dar confianza y pa ser quien a ganar unes eleiciones (o un escañu o delles conceyalíes) y ello ye la seriedá. Y yo nun la veo nenyuri nel asturianismu (nel sentíu ampliu del términu, dende AA a URAS pasando per UNIDÁ y pel PAS)... Nun ye tolerable qu'un conceyal de la URAS nun vote al favor d'unes ordenances d'oficialidá, nun ye tolerable que de 2 conceyales y 2 duldosos (APN ye Unidá?) que sacó Unidá, heba qu'echar a ún d'ellos... Nun ye serio que de sópitu les mocedaes d'IAS colen en bloque d'UNIDÁ a un mes de la campaña o a mes y mediu de les eleiciones.
Nun ye serio, nun ye serio... Y quiero más votar a "los traidorones d'IX" qu'anque poco, faen daqué, qu'a los salvapatries ególatres estos.... poro, lo d'empadronase en Madrid nun ta tan mal, equí hai menos rompedures de cabeza colo d'a quién votar. Lo dicho, que visto lo visto, más-y val a ún ser romanu.
Tags: política asturies
Esbilla | 
del.icio.us
Tán fuera bolos y quieren facer cuatriada: imposible.
Bones, embaxador, mira yo soi d'UNIDÁ, y paezme mui respetable lo que dices, pero la única manera de facer daqué por esti país ye montando una fuercia política propia asturiana y, magar toles dificultaes, creo que va ser posible, y creo que dende UNIDÁ, con tola humildá, vamos algamalo.
Namás te digo 3 cosines:
1. APN sí tán n'UNIDÁ.
2. Lo de Piloña son coses que pasen.
3. De lo de la xente de MIAS nun se pue echar la culpa a UNIDÁ sinon a 3 o 4 persones envelenaes de sectarismu y egocentrismu (el putu sectarismu del nacionalismu asturianu) qu'intenten irresponsablemente facese notar. ¡Y en qué momentu!
De verdá que pienso qu'UNIDÁ ye un proyectu de futuru, hai muncha xente mui diverso, trabayando xuntos, montando conceyos y superando les lluches ente nosotros de tola vida. Pero hai xente que nun ta preparao pa eso y cuesta muncho llevatar un proyectu asina.
Pero toi seguru que seremos a ello y espero que seyamos a ganar otra vuelta la to confianza y la de la xente que ya ta fartuco d'estos circos y pide a voces qu'Asturies tenga una fuercia política que la represente.
Home va, UNIDÁ ñació mal, y sigui pior, UNIDÁ enxamás nun tuvo futuru, porque nun ye un proyeutu con idegues, enxamás nun dixeron que furrulamientu internu tien, enxamás nun dixeron nin publicitaron quienes formen la executiva.
Lo único que tan bien nidio d´unidá ye que ñació como un proyeutu de xunción, y ta amosando ser un proyeutu de dixebra del movimientu nacionaliegu asturianu. Primero foi l´intentu de facese col nome d´andecha illegalmente, con males formes, y con actitues propies de la camorra, Andecha sigui ehí, espoxigando otra vez pali que pali, por suerte. Dempués foi lo de LVGV, dempués lo de Allende, y nun escaezamos a toos (non munchos) los militantes de Piloña, agora MIAS por que nun tan d´alcuerdo cola estratexa d´unidá, o col ideariu políticu que nun tien, o polo menos que nun afita, intenta dir dende´l independentismu a la social democracia. Que lo que nun pue facer un partiu ye dir colos de misa y tornar colos del mercáu.
Entós, pa rematar, queda nidio que unidá foi un movimientu disgragador del asturianismu político que frayo coles poces posibilidaes de qu´IAS algamara a la sociedá d´una sensibilidá político claro.
Al qu´escribe´l post, yo entiendo de sobres la to postura, yo tamién toi percansáu d´estes pijaes, pero barrunto que la única forma d´algamar dalgo ye trabayar dende dientru, por un procesu politicu de xuntura social.
Andecheru, ta bien qu'intentes pescar en ríu revueltu.
Nun voi entrar a discutir contigo, nim namás quería contestar al autor del blog.
Yá dixi tolo que tenía que dicir y nun pienso ponete pingando como fais tu. Yo pienso qu'UNIDÁ ye un proyectu que ta ehí, que ye de xuntura y que ye un cambiu claru de tolo qu'había hasta agora, por más pilancos que-y intenten poner.
Salú.
yo toi d'alcuerdu colo que dixo l'autor del post. nun me paez serio de nenguna de les maneres. PASURAS dando ascu y marchando, Unidá que de momento valió más pa qu'IAS se desficiera y perdiera lo poco que tinía y que valía pa daqué (piloña y mias) a cuenta de tar colos cuatru emigraos d'Andecha que toos conocemos y que son unos ineptos porque yá lo yeren n'andecha. a too esto Andecha (la única qu'hai anque-yos pete andar falucando d'otres nacionaliegues y penoses)quedó tamién mui tocada anque vaiga poco a poco volviendo a la normalidá...(la de los 4000 votos)
nun sé si pepín ye d'ias o d'andecha-abad, pero tien que tener claro que ta nuna muerganización que ñaz con vocación nula porque nulos son dende l'entamu.
nestes elleiciones l'oxetivu ye que quede delantre tovía Andecha Astur -y mira que ta difícil-. y tovía se consiguirá.
resultáu? los d'ias + andechabad pa casina a rumialo
Creo que coles aportaciones de los contra-UNIDA queda evidente un par de coses:
1 - La so defensa ye tirar a los demás. critica destructiva que nun creo que seya lo más afayaizu pa demostrar nada.
2 - UNIDA sigui trabayando, ye verdá que tien munchos pilancos pol camín, pero ye la primer vegada dende fai más de 15 años que se fae una xuntura del nacionalismu asturianu (ente militancia d'Andecha y d'IAS) ensin sectarismos ni llideres de palu que solo gueten por cuotes de poder personales.
Lo que fai falta son manes, porque'l camín ya ta marcau. Ver veremos en que queda too.
Norabona embaxador pol to nueu blogue.