Dame noxu Izquierda Xunida
El gobiernu d'España calla como una puta... nun esperaba otra, España va siempres a remolque de lo que-y digan el restu de países europeos. El PP calla tamién (nun esperaba menos, otru perru distintu collar)... pero IX calla tamién. ¿Por qué? Polos comunistes que tien dientro.
Sí, aldovinástislo, toi falando del Tíbet y de lo que ta faciendo ende China: Da-yos hosties hasta nel carné d'identidá como quien diz a los tibetanos, matar xente, siguir primiendo'l país... Vamos, lo que ye vezu, pero que colos xuegos olímpicos enterámonos un poco más de qué ye lo qu'asocede.
Como Cuba (Comunista) unvió una nota de sofitu al gobiernu (que se diz comunista) de China énte lo que ta asocediendo, IX calla. El partíu o la coalición de "Más democracia más izquierda", el partíu de defender el drechu al albuertu de les muyeres, el partíu de defender la laicidá, la democracia participativa, el que pide firmes pa una llei eleutoral más xusta y proporcional, esi partíu calla como una puta énte lo que fai china, por qué? Por que son comunistes.
Podéis velo, podéis velo na so web. Mesmo na d'Asturies que na federal de Madrid. Nin gota, nada, res, cero patatero como diría l'otru. El pesu de los "Homes de Paco" paez que ye grande, y les contradiciones son fondes. ¿A quién quieren engañar? Si son comunistas, séyanlo tamién p'Asturies y pal estáu español y propongan aplicá-y a Euskadi o Cataluña la mesma receta qu'aplica China al tíbet... ye eso lo que quieren non? O qiuciabes quieren lluchar de verdá por una democracia más llibre, más xusta, más democrática en definitiva... Entós a qué esperen pa condergar violaciones a los drechos humanos ¿O ye que los drechos humanos valen n'Europa pero en Tíbet non? ¿Somos más los europeos que los tibetanos?
¿Escaeceríase-yos? Prestaríame que daquién d'IX retrucare a esto... y prestaríame, tamién, qu'IX espulsare a tola puxarra que tien (o pue tener) contraria a los drechos humanos y favoratible a los rexímenes dictatoriales Chinu y Cubanu.
Tags: China Tibet IX
Esbilla | 
del.icio.us
Lleves razón en lo que callen como putes, nestos temes esconden el picu, baxen la cabeza y escaecen el radicalismu democraticu del que tantu farden y falen... Cuba y China son un tabu pa los comunistes d´IU. ¡TIBET LLIBRE!
La meta d'una formación política ye algamar el poder.
La estratexa axústase a esa meta. D'ehí vienen los posicionamientos, a veces contradictorios ,sigún el llugar onde se realice la actividá política.
Nun veo en qué-y beneficia a IX de cara a algamar el poder sofitar rexímenes totalitarios y mediu nazis...
Nin los beneficia nin los perxudica. Los sucesivos gobiernos españoles tán manteniendo relaciones diplomátiques con China y Cuba. Asina que los de IX llimítense a se tan políticamente correutos como PP o PSOE.
Aclarate nin, primero sofites Unidá, llueu dices qu'hai que votar a IX agora sofites una insurrección pagada por EEXX pa hoder a la prosima primer potencia mundial y vuelves echar escontra IX...
Que yo sepia toi aclaráu... Sofité (y sofito y espero siguir sofitando) a Unidá nes nacionales, y sofité a IX nes xenerales (a sabiendes de la puxarra comunista qu'hai dientro) por dos coses:
A) IX tenía posibilidaes de sacar escañu por Asturies (poquer, pero tan poques como d'Unidá sacalu na Xunta en 2007)
B) Unidá presentóse a unes eleiciones por presentase, con videos de mierda, ensin enfotu dalu y ensin querer sacar votos... Y esa nun ye la manera...
C) Mancábame que los 8 diputaos d'Asturies foren 4-4 como agora
D) Nel senáu voté a Ignacio Lopez.
Pero una cosa ye lo que se sofita, y otra cosa ye comulgar dafechu colo que fai el partíu al que votes. Yo voté eso que dixi y nun m'arrepentí de votar nenguna de les dos. Pero nin unidá ye perfeuta nin muncho menos IX. Cuido yo que la crítica ye sana.
Lo que tu dices de qu'EEXX ta detrás de too nun sé yo si ye un poco paranoia o non... De toes maneres EEXX quitare va poco a China de la so llista de países que nun respeten los drechos humanos, asina que diba ser un poco contradictorio ¿non? Yo soi (quiciabes más inxenuu) de la opinión de que'l confliutu lleva ehí la de dios y los xuegos visibilizáronlu...