espresiones propies del asturianu...
Va tiempu, falaba con una amiga mía que-y presta l'inglés pola vida, y dicíame que lo que más-y gustaba d'una llingüa, nun yeran les pallabres, sinón les espresiones propies d'una llingua "Look for" por exemplu y eses perífrasis como la de "nun ser quien a" n'asturianu o bien d'otres.
He da-y la razón, y ye que les espresiones propies ye lo que-y da un tastu estremáu a una llingua, ye lo que mos fai ver que nun ye que "jerga" (castellanu) o "xiria" (Portugués) n'asturianu seyan "xíriga", non, ye qu'hai espresiones propies...
Prestaríame qu'ente toos fixéremos lo posible por rescatales del escaezu pa onde s'empobinen. El nome d'esti blogue emplega una d'eses espresiones que nun tienen traducción direuta (nun sé a portugués, pero n'español lo más asemeyao a "echar la llingua a pacer" ye "hablar al sabor de la boca")
Entamo yo'l llistáu col deséu de que la xente lu siga: Nun pongáis les miles que vienen nel DALLA, namái les qu'usáis o sentistis usar dacuando... :-) y penséis que nun coinciden coles castellanes.
Echar la llingua a pacer, Nun ser quien a..., A cara perru, Cayer del ñeru, a cuentu risa, llingua sacavera, tar como un merucu (fríu), axúntase la fame cola gana de comer, tar como una maniega, tar como un cestu, sacar los pies del cestu, ver les oreyes al llobu, andar los mures en caxón, dar en focicu, tar de focicos, meter el focicu, tener la boca como un payar, dexar daqué pa prau, dir/tar de pingu, mandar a ver la ballena, veles venir, cielu la boca, tener un furacu en bolsu, cara pote (esta nun sal nel DALLA: yo sentíla como "Poner cara inespresiva-enfurruñada"), facer l'osu, ver al osu, facer un cutu qu'escarabaya'l pelleyu, más ruin que la fame, alzar el pendín, saber más que les curuxes, como la curuxa, poner pingando, tar pingando, como en casa güelu, cagar en focicu, tar fechu una llaceria, poné-y portielles a la mar, nun tener un día con otru, llantar na cara, dar col culu tres les ruedes, ser fueu en culu, De mano, dar en duro, a cuentu risa, mexar y nun echar gota, díi de gües (1250 m2),
Hai más, punxi namái que los qu'oyí dalguna vegada y se m'ocurríen agora...
Tags: llingua espresiones
Esbilla | 
del.icio.us
Dir a costa fecha, más gorda y nun entra en prau, nun hai onde colgar un candil, prestar pola vida, prestar como carambelu, tar como una maniega, tar como un bocói, nun ver sebe...
Por ciertu, dicen los supertacañones que "a cuentu risa" ta repetío.
Préstame'l to blog.
Saludos
Andar de cacíu revueltu, ser un pintarrueques, nun valir nin pa tacos d'escopeta, tar como un so, nun poder colos calzones, andar como Mingu y Teresa, tener más tenada que yerba (o al revés), nin xota nin fandangu, tar pa la mano, tar pal pulgar, tar fuera bolos, cuidar-armar-desarmar la bolera, tar como una madreña, tar como una gradia, tar como una teya, dar coles pates en culu, soltar lo que ta nel papu, andar a niales, nun ver nin pa cantar, llegar a too meter, da-y a retorcer, como gatu n'escarpín, ser un pinín, ser un maizón (Venga, que siga otru).
Tar de comedia, tar de güevu, dar a la parpayuela, la llei de la caleya: el que la tira va por ella (cuando de guaḥes aventábamos la pelota bien fuera les llendes), cambiar l'agua al canariu, refrescar por daquién, ser el mocín de la película, dar voces en castañéu, tar pa que te lleven a La Cadellada...
¡Norabona pol blog!
Nin si nin sopas, ya stou rotu y anton nun sierbu pra botu.
gracies a toos!
Ocurriéronseme otres dos:
Da-y a la parpayuela
Falar al altu la lleva
Pali pali-> Adulces