¿Qué es la oficialidad? ¿Qué modelos hay? ¿Qué supondría? ¿Cuánto costaría? ¿Qué derechos daría? ¿Qué deberes impondría?
Esti ye'l títulu que tendría que tener un llibrín, de non más de 20 ó 30 fueyes qu'esplicare caduna d'estes entrugues, escritu en castellanu pa la xente que nun sabe de qué va'l tema del asturianu o que lu tarrez tanto que nin quier garrar un llibru n'esti idioma.
Taría bien que la XPDLL o quien seya, escritu a comuña con xuristes como Xurde Blanco, economistes y filólogos dieren respuesta e estes entrugues. Nun ye que l'asturianu seya un bien cultura y hai que lu mantener, nun ye que seya drechu pa bien de persones...
Ye que gastase 5 millones d'euros añales (de xuru que la oficialidá cuesta menos) nun son nin 20 céntimos al mes per asturianu, un café d'esos de ZP cada 4 meses... Estes coses hai que-yos les desplicar a la xente, y namái qu'asina díbemos facer por ganar esta guerra?
Movámonos nel campu que mos abren... ¿Quieren que falemos de deberes? Falemos d'ellos ¿Quieren que falemos de perres? Falemos d'elles. Cuido que llevamos les de ganar nes dos, pero hai qu'informar, informar, informar dar a conocer non namái que la realidá de la llingua y lo mal y probitina que ta, sinón tamién lo qu'hai que facer pa salvala, cuánto cuesta, quien lo paga, qué derechos y qué deberes hai...
Ensin demagoxa (nin nun sen nin n'otru) y falando claro. Diba ser asina, repartiendo bien de llibrinos d'estos per Asturies como ganáremos esta batalla...
Esbilla
del.icio.us
Nun se si'l costu de la oficialidá sedríin cincu millones, pero al dividilo hai qu'incluyir a tolos españoles, ¿o nun se fai asina na oficialidá de toles llingües españoles?
Lleves razón, porque la oficialidá inclui tamién al estáu...
Tamos pagando les oficialidaes del gallegu, catalán y vascu y nun pagamos la de nueso..
Pos too eso tendría que dir nel llibru!
parezme una idea excelente embaxador.
Esi ye el tipu de iniciatives que deberia toma l'asturianismu civicu.
Cola moderacion y la verda por delatre pero ensir refugar el debate l'ásturianismu solo puede ganar simpaties y apoyos ,,,
Mui bona idea, propongo mandá-yos un link a esta páxina como propuesta a la xente de Xuristes pol Ast y al CAO (fadríalo yo, pero claro, eso tien que lo decidir l'autor del testu).