¿Hai teatru asturianu?
Vais llamame inorante (soilo dafechu) pero taba mirando agora un programa na 2, que llámase La Mandrágora y falen de teatru, y salía una obra de teatru en catalán... Y yo quedé pensando, si arriendes de monólogos cómicos y del típicu teatru de costumes, si hai teatru n'asturianu o non... Escritu vi poco, pero creyo que representáu hai aínda menos...
Si daquién me pudiere dicir dalgo sobre cómo y dónde ver obres de teatru "normales" (a min el teatru de "maruxa y el so home que ye llabriegu y bebe en chigre" nun me gusta nada...) agradecería-ylo.
Esbilla
del.icio.us
N´Avilés tenemos la suerte de tener añalmente les xornaes de teatru n´asturianu, el programa suel ser cuatro obres costumistes de tola vida y l´estrenu d´una "normal". Recomiéndote "País" d´Adolfu Camilo Díaz, yo lleí la obra y vi la representación y ye xenial, inclús foi censurada en Les Cuenques poles sos crítiques al SOMA.
N´Avilés tamié tuvimos al primer Shakespeare n´asturianu de la hestoria.
La TPA podría facer muncho, emitiendo teatru costumista de xuru que téndría bonísima audiencia y emitiendo les poques obres "normales" n´asturianu pos fairía daqué pa visibizalu y promocionalu.
Encamiéntote a ver el youtube los monólogs d'Al aldu: la risión pa que conoza mas de tratru modernu sturia
Yo encamiéntote les obre de teatru premiaes pol concursu de teatru de l'Academia de la Llingua Asturiana. Por exemplu, Pablo Rodríguez Medina, pa min ún de los meyores escritores asturianos y españoles de tolos tiempos, tien escrites obres de teatru y nes cuenques mineres hai un coleutivu sociocultural de muyeres que se llama "Les filanderes" que faen, dacuando, representación teatral d'obres n'asturianu.
Yá... too eso que decís ta mui bien... pero pa enterame del llugar, fecha y hora de la representación d'una obra teatral "normal" qué tengo que facer?
Lo de País sintiérelo, pero nunca nun la vi anunciar pa dir nin nada.. Y como, a diferencia de los grupos, nun sé de nenguna compañía de teatru 100% n'ast que tenga na so web comunicaos de cuándo faen representaciones...
Lo d'al Aldu nun me presta y les costumistes tampoco.