Los Peluches
Nun sé si naide nun s'aparó nunca na cantidá descomanada qu'hai nel mundiu (nesti requexu del mundiu llamáu Europa) qu'hai de peluches... Esos seres guapos (o feos) suaves, blandos y dacuando con cares qu'inducen a la ternura.
Dacuando, los peluches son una manera de tresmitir un mensax de ternura: un noviu a una novia (o al aviesu); una persona a un bebé o guah.e pequeñu y bien poques otres ocasiones más. Al marxe d'esta tresmisión de Ternura, l'usu de los peluches ye por demás descomanáu pa la importancia real que tendríen que tener: Convirtiéronse nel comodín del que regala y nel camín fácil pa facer un regalu. Poca xente hai que nun tenga o reciba o tenga recibíos peluches como regalu, y nun digo namái na so tienra infancia...
La cantidá de peluches qu'ún tien, de xuru, que pue que seya correlativa al númberu de xente que, o nun te conoz, o te fai regalos por compromisu (sacantes les esceiciones amentaes). Y a lo último tamos viendo daqué más preocupante que la sobrepoblación de peluches, que ye la nacencia d'eses coses horteres qu'aseméyense a un peluche y que tienen mensaxes como "te quiero mucho" o "suerte" o "ponte bien" y que nun son más que coxines con güeyos y boca pintaos y les lletres prietes nellos. Sí, sélo, son de peor gustu que los peluches y muncho más comodinos... Pal que nun los conoza, o nun repare no que falo, apúrro-y la semeya cola qu'abro'l post. Y yá sabéis, nun me regaléis coses d'esa traza..
Esbilla
del.icio.us
Estimáu amigu, viendo que da usté un apoyu a les aiciones d'Inaciu Galán, ensin tener contrastao los fechos, queremos indica-y que lo dicho por esti señor NUN SE CORRESPUENDE COLA REALIDÁ. Reenviamos-y la respuesta a una pregunta sobre'l tema espuesta nel nuesu blogue.
Ateyavana — 19-06-2008 - 21:04:14 GMT 1
Una entruga: ¿ye verdá lo que cuenta Naciu Galán nel so blog? ¿Nun vais face nengún comentariu?
Salú.
ARRIBADA — 19-06-2008 - 22:16:59 GMT 1
Nun hubo nengún aconceyamientu de la Xunta Directiva de l'asociación onde se tratara'l tema que menciona Inaciu Galán, polo que nun tien base la so afirmación de "La razón de la mio dimisión nun ta encontada más que nunca causa, la decisión tomada pola mayoría de la organización de nun tomar nenguna midida disciplinaria". Polo tanto, tampoco nun hai nengún acta onde s'espeye esti tema. Como indicamos nel post, el prósimu aconceyamientu ye pal viniente miércoles.
D'otra manera, nel momentu qu'Inaciu Galán publica un artículu de la so esclusiva responsabilidá nun diariu dixital asturianu, Xosé María Vega Blanco yá nun yera miembru de la nuestra asociación.
L'interés de la nuestra asociación ye trabayar con seriedá, con maurez, con criteriu, pol prestixu social de la nuestra lliteratura y de la nuestra llingua. El nuestru oxetivu ye'l bien del nuestru país. L'enclín ayenu al bien de la nuestra asociación, o al bien del nuestru país, nun tuvo, nin tien, nin tendrá abellu ente nós
Bien, igual ye verdá qu'Inaciu Galán nun aconceyó con naide y qu'esti prósimu miércoles hai aconceyamientu...
La mio entruga como daquién ayenu a tol enguedeyu ye: ¿Entós esti miércoles van espulsar a esti home d'idees nazis o non?
Si fore asina, entós igual Inaciu Galán metió la pata... pero si nun se va tomar nengún determín pa con él, entós lo de qu'heba o non aconceyamientu nun queda sinón nun "Defectu de forma" que nun lleva a nenyures, porque equí pa min, (creyo) lo importante ye'l fondu...
¿Que ye mentira qu'aconceyó la xunta de l'Arribada? Nun sedré yo quien lo ñegue, namás qu'espero que cuando aconceye espulse (o reprenda) a esti home...
Recordámos-y'l segundu párrafu del nuestru comentariu:
"D'otra manera, nel momentu qu'Inaciu Galán publica un artículu de la so esclusiva responsabilidá nun diariu dixital asturianu, Xosé María Vega Blanco yá nun yera miembru de la nuestra asociación. "
Ye dicir, nun podemos espulsar al que, cuando irresponsablemente'l señor Inaciu Galán publica'l so desafortunáu artículu, yá nun yera miembru de l'asociación.
A estes altures de la vida, nengún de los actuales miembros de l'asociación pue ser venceyáu, nin por asomu, a nengún sofitu a idegues xenófobes, homófobes, misóxenes, o de tola retafila acusaciones que vienen lleéndose perende.
Lo que nos correspuende a nós ye trabayar, como dellos venimos faciendo, inclusu por más de tres décades, pol futuru de la nuestra llingua y lliteratura. La biografía d'otros ye tamién comprobable.
Solo esperamos de la xente que se diz asturianista sensatez abonda como pa nun se dexar llevar por maniqueismos o consignes simples. Esto último ye lo más cercano al fascismu.
Ah bono, pos entós nada. Yo lo que cricaba yera esi llibru y eses idees, pero si dices que l'Arribada desvincúlase d'elles, entós yo encantáu.
No demás nun tengo nada que dicir, si l'Arribada nun-y da cobertura a eses idees yo nun teo nengún problema nin cola Arribada nin colos que lo lleven.
El fechu importante nun creo que fuera que marche o non esi miembru, lo que nun sé.
Sinón si la xente d'arribada condena un llibru publicáu opor un miembru de l'arribada nesi momentu
Soi miembru del Clú de la Correuta Correición Política (CCCP).
Toi escandalizáu.
Acabo lleer "La filosofía nel salonín", d'un tal Sade, y amás publicada "por una editorial de Xixón".
El so conteniu ye INACEPTABLE.
El CCCP esixe la INMEDIATA CONDERGA PÚBLICA d'esi llibru, y del so autor (el casu ye que me suena, parezme que ye de Martimporra), y por supuestu l'escarniu públicu y progresista de los responsables editoriales d'esta provocación "xenófoba, violenta, paidófila, homófoba, imperialista y contrarepublicana (sé que l'autor ye marqués)".