Acabó l'encierru y acabó bien. Una amuesa de que la presión direuta si la xente s'implica y creese'l so discursu acaba por consiguir les coses. Nun se vio nunca na hestoria pueblu o coleutivu dalu al que-y regalaren los drechos. Los drechos hai que lluchar por ellos, hai que combatir, dacuando hai que derramar sangre, dacuando namái qu'endelgazar nuna fuelga de fame...

pero a la fin, la llucha polos drechos implica siempres eso: Llucha. Les lluches gánense y piérdense... Esta batalla ganámosla (ganáronla), pero aínda nun ganamos la guerra... Entá queden munches otres, y les ganaremos si tamos dispuestos a ganales, a lluchar por elles col enfotu de ganar, y non namái de facelo por un sentíu kantianu del "deber ser".