¡¡Quemái l'estatutu!!
Taba yo pensando, que pa lo que cambió l'artículu 4, si se fai referendum (cosa duldosa), a naide-y va dar por votar al favor, sobre manera viendo que nun hai requexu pal posibilismu...
A ver si faen un referendum y metemos esa puxarra que quieren colanos dende la Xunta Xeneral na papelera......
Pero ente que lu faen y non, ocurrióseme una posibilidá de protestar, que diba ser facer una quedada grande con fueyes del estatutu y prensa y la de dios y prende-yos fueu (Esto nun tien la cara de so maxestá, nun ye delitu).... Mexar enriba d'elles, rompeles, quemales... lo que se vos ocurra, la verdá que si s'organiza diba ser bona idea...
Na cai, nel parque, nel trabayu: ¡¡Quema l'estatutu!!
Esbilla
del.icio.us
Güei mesmo quedé con Vity en Xixón y sedría un bon momentu pa-ylo comentar. La verdá ye una bona idega. Podemos entamar a espurrirlo y coxitar cómo, cuándo y ónde.
De güei pa endelantre namás que creo na vía política pa iguar el tema llingüísticu. ¿Habrá manera de falar acordies pa ser políticamente fuertes?.
Xanu, ¿crees daveres qu'hai madurez política pa sentanos toos, llimar aspereces y puxar polo que creemos? A min peme que con della xente nun va ser posible...
Pues, Vity, como nun heba manera d'entamar a facer les coses bien pel camín de la política, yá podemos esperar los prósimos 30 años más de lo mesmo. (L'espectáculu que tán ofreciendo estos díes los intelectuales asturianistes, engardiéndose ente ellos mentes nos insulten con esti estatutu ye auténticamente llamentable). Un saludín pa toos.