Nin un votu más a IX... (nes autonómiques)
Nun ye qu'IX lo tea faciendo mal colo del estatutu, home, igual podía falar un poco más y denunciar cómo n'Asturies tán vulnerándose los drechos humanos... pero van votar a la escontra y ellos fixeron lo posible nesta llexislatura (non na otra) pola oficialidá dende la oposición...
Si abro esta entrada col títulu de "nin un votu más a IU" nun ye porque considere qu'heba que castigar a IX, sinón porque considero, como consideren munches persones y vien diciendo'l Xanu bien de tiempu, que fai falta una candidatura asturiana que respuenda a Asturies y que seya vista como "Asturiana".
Anguaño, IX tien munchos votos d'asturianistes, que, pel momentu, nun se materializaron en nengún progresu (nun toi diciendo que votar a esta candidatura asturiana vaiga cambiar les coses...); lo que digo, ye qu'esos votos a IX de xente asturianista (Como Xuan Bello y demás xente de Les Noticies que públicamente sofitaron esa candidatura) ficiéronlo pensando en que puxaben pol asturianu (y en ciertu mou ye verdá, porque IX asume les tesis llingüístiques que toos compartimos), pero'l mensax que se ta tresmitiendo ye otru: El votu a IX, entemezse col de xente que ye "mui d'esquierdes" y que fai un votu puramente ideolóxicu esquierdes-dreches... IX tien 4 diputaos, y anque ún d'ellos correspuénda-y por drechu y cantidá de votos al asturianismu, la xente (nin políticos, nin sociedá nin nós mesmos, la verdá), percibimos n'IX esi componente asturianista...
LO que digo ye que, votando a una candidatura asturiana, anque-y quitemos un escañu a IX pa dá-ylu a esta formación, taríemos tresmitiendo'l mensax de que la sociedá demanda un meyor tratu p'Asturies... Estes candidatures asturianes enxamás van a presidir el principáu, pero van facer una cosa mui importante: tresmitir esi mensaxe a los partíos mayoritarios, que van querer pañar votos asturianistes... y eso namái que lo van facer si'l votu asturianista ye significativu ¿Cómo facer que lo seya? Metiendo una candidatura asturianista nel parllamentu. Esto ye daqué que furrula nos otros países d'España: En galicia la presencia d'un BNG que ye un nacionalismu d'esquierdes pero también de dreches, fai que partíos como'l PP o'l PSOE empleguen davezu'l gallegu... En Cataluña nun hai más que ver cómo va'l PSC por mor del clima nacionalista...
Los partíos adáutense a les sociedaes, yo nun veo al PP o al PSOE como l'enemigu políticu, véolos como parte del estáu español, son una estructura del estáu español (y tienen d'enemigu lo que l'estáu español), cumplen funciones de gobiernu y son "partíos-que-busquen-gobernar", non defender una ideoloxía, sinón gobernar, y que son (o habríen ser) porosos a les demandes de la sociedá... Equí una demanda política bien podía ser la oficialidá, o bien podía ser mayor autogobiernu, faciendo una candidatura qu'entrare nel parllamentu, entós, esos partíos, con un resultáu por exemplu: PP 21, PSOE 19, IU 3, Candidatura Asturiana 2 (nel qu'esa candidatura nun sedría llave) diba llevar a PP-PSOE a buscar la manera d'atrayer al so partíu los votos que dieron esos 2 diputaos, porque de nun facelo, esos dos diputaos siguen ehí...
Yo nun sé si esa candidatura asturianista ye'l PAS-URAS o ye la UNA, prestaríame que fore otra cosa bien estremada, pero la eleición ente eses dos téngola clara... Lo que ta claro, ye que nes próximes eleiciones hai que votar en clave asturiana pa mandar un mensaxe unívocu...
Esbilla
del.icio.us
Yo coles dos últimes eleiciones fartuqué yá de tirar el mio votu en partíos nacionaliegos que nun algamen nin 2000. Y fueron abondos años votando nacionaliego. Nunca más, cansé de sentime un friki marxinal al día siguiente.
Anguaño, l'únicu partíu que ta faciendo daqué pol asturianu de cara a la opinión pública ye IX. Son ellos los que tán nel parlamentu pidiendo la oficialidá, los que van a tolos actos y concentraciones de la Xunta, el CAO y l'ALLA, los que nun formaron gobiernu cola FSA pola oficialidá, los que puxaron poles ordenances de cooficialidá en Xixón, etc.
Si tuvieres n'Asturies y vieres como ye la realidá equí de los partíos políticos, cuala ye la presencia d'UNIDÁ, Andecha Astur y PAS-URAS na sociedá (nenguna) de xuru que lo dibes ver d'otra manera, dígotelo en serio. Esos partíos nun esisten n'Asturies (pal 95% de la población). Y dalgunos yá nin apaecen peles concentraciones/manifestaciones pola oficialidá, lo que me paez ablucante y define'l mio votu futuru.
Yo enxamás voté a IX (voté UNA, PAS, nunes europees a Andecha Astur y la última vegada a UNIDÁ) pero tengo perclaro que lo voi facer la prósima vez. Cuantos más diputaos puxando pola oficialidá nel Parlamentu, meyor... y la única opción realista nel panorama políticu asturianu d'anguaño ye axuntar el votu nun partíu grande. L'únicu partíu que fai l'apueste pol asturianu con toles consecuencies y con eses carauterístiques ye IX (1)
Suañar con un partidón grande qu'axunte a toles fuercies nacionaliegues y que col tiempu trescale a la sociedá ye tan vieyo como l'asturianismu. Cada vez ye más difícil, nun pasa de sueñu imposible, escaezte d'ello.
(1) Si los del PP fueren llistos, garraríen el carru de la oficialidá pa pañar tolos votos d'URAS-PAS ya incluso más. Pero nun lo son.
Yo nun critico a IX, de fechu, votélos nes últimes estatales y nun m'arrepiento nada d'ello.
El problema ye que pa IX la oficialidá ye un complementu circunstancial... como muncho, un complementu direutu, pero entá nun ye'l nucleu oracional. ¿qué quier dicir eso? Que si por exemplu (nun ye realista, pero podría ser si'l PP fore más llistu), la oficialidá pasare per un pautu col PP, IX ñegábase...
Yo nun falo d'un gran partíu, nin siquier pienso qu'esi partíu vaiga (nel casu de llegar al parllamentu) a gobernar o facer bisagra...
Como yá dixi, pienso que namái qu'hai dos partíos y que tenemos que-yos mandar mensaxes al traviés del votu... ¿Cuándo sacó IX más votos que nunca? Colo de la OTAN, cuando la xente taba estragao del PSOE o cuando pensaben que nun yera d'esquierdes abondo..
Si pienses que PSOE nun ye abondo d'esquierdes, votes IX.
Si pienses que PSOE y PP nun son abondo asturianistes, ¿Qué votes? ¿IX?
Yo allégrome de qu'IX miedre, porque a lo último tán bien posicionaos (non na anterior llexislatura, nun lo escaezamos... que santos nun son) Hai que se decatar d'una cosa:
UNIDÁ: Asturianismu+Izquierda+Ecoloxismu
IX: Asturianismu+Izquierda+Ecoloxismu
¿Cuála ye la diferencia? El porcentaxe na mestura d'estos trés ellementos... y eso fai que la perceición social d'un partíu seya la del ellementu mayoritariu...
Naide ve a IX como un partíu verde, nin a Unidá, a ún venlu como un partíu d'esquierdes y al otru como ún nacionalista. El militante d'IX igual ye asturianista, pero pa él va tar la esquierda primero que l'asturianismu (p'algamar alcuerdos y demás), igual yo soi d'esquierdes, pero pa min va tar primero l'asturianismu...
Esi ye l'etenru dilema... ¿Qué ponemos delantre? Supongo qu'a la fin, vamos tener que decidimos por poner per delantre la esquierda (IX) o por poner per delantre l'asturianismu (Y facer un partíu de centru royu BNG)
La oficialidá ye un tema políticu, non llinguísticu, ye la pura realidá con PSOE-Iu y PP. fasta que nun gobierne el PAS nun habrá oficialidá. ¿Conoceis a militantes d´Iu? Entruga-yos pol asturianu. Yo la mayoría que conozo dicen que YE UN INVENTU, QUE YE UN DIALECTU!!!... ¿Qué dicir d'iu? Explicame porque asume la oficialidá a partir de 1995 y non antes????? porque????? iu PASA de l´asturianu.
El PAS lleva dende la so fundación manifestándose a favor de l´asturianu, y xustu cuando saca el diputáu pa qu' el nacionalismu asturianu ande los otros copien el discursu. así qu´un nacionaliegu vote a iu, tien los sos bemoles.
Embaxaor tien razón: nun ye un problema de izquierda derecha ye un problema de españa-Asturies. (Como dicía el del BNG nun ye un problema de coordenaes ye d´abcises) Por ciertu cuando el PAS primó lo nacional enantes que lo social vaya como se-y criticó.
Tenéis equí un artículu acerca de la hipocresía d´iu miralu haber que-vos paez: http://www.asturianista.as/union/index.php/2008/06/19/cara-de-beatu-y-unes-de-gatu/
Gracies. Un saludu ;)
Otra cosa mirar haber donde hai nacionalismu-rexonalismu y donde ta iu ¿Galicia?¿Cantabria? ¿Euskadi?¿Navarra?¿Aragón?¿Cataluña?...