Paséme al Ubuntu...
... Acabo de desembarcar va unes poques hores nel Ubuntu. A la fin tanta campaña pro-ubuntu valió hehehe... Anque tovía nun soi p'atopalo amañoso, porque soi nuevu y cuéstame avezame. (Por suerte - o desgracia- tengo tamién el windows vista ehí puestu por si acaso...).
Nun sé cómo faigo pa oyer radiosele, porque nun me reconoz el soníu... nin sé cómo usar el messenger o similar pa chatear col hotmail, nin sé si hai un firefox 3 n'asturianu o l'open office... Otra manera, lo que más mieu me da ye lo de l'antivirus, que yá entamen les publicidaes eses tan pesaes y nun sé qué facer.
Pero bono, estes coses negatives espero que vaigan cayendo pasu ente pasu, pel momento equí sigo, emplegando la guía que mos dexó http://blogs.altuxa.com/tapaponga. Diré informando puntualmente... :-)
Esbilla
del.icio.us
En cuantes superes los problemes d'avezate a les poques diferencies nel usu del sistema operativo vas ver que too ye meyor. Pa sentir Radio Sele deberías nun tener problemes instalando el codec afayadizu, y que nun te lu instala por defeutu porque ye un codec 'privativu' (si tienes la última versión del Ubuntu instalada ye namás dicir sí a too) Del antivirus olvídate, el spam nel corréu dirá desapaeciendo sigún-y vayes marcando corréu indeseáu como spam. Pa chatear, configura el 'Pidgin' o similar cola cuenta hotmail y a correr. En cuantes al firefox y open office... cuido qu'entá nun tan tornaos dafechu al asturianu, pero puedes echar un gabitu na traducción (Na pestaña 'help' o 'ayuda' del programa, calca en 'translate this application', y sigui les instrucciones y axúntate a la comunidá de torna de foftware llibre Softastur pa cualquier dulda, y pa nun duplicar trabayu).
Vas ver como llueu nun lu cambies por nada.
Amás, col software llibre y gnu-linux vas ver que cualquier dulda, la busques nel google y apaecerá dalguna solución en dalgún de los foros dedicaos al sistema.
Y eso dígotelo yo, un zote en cuestiones informátiques.
Munches gracies, estos díes diré remanando a ver qué pasa!
You nun séi... la xente diz que yía meyor l'Ubuntu... pero pero...
Igual hai que prebar
¡Bienveníu al mundiu llibre! ;)
Nun tengas prises, el plazu que llees a vegaes ye d'un añu. Istalalu y dexalu ehí, cuando necesites dalgo que con Windows nun va, dirás a Ubuntu, asina cada vegada más, y al añu! sólo amarás y quedrás Ubuntu :D
Pa los codecs tienes que abrir con Totem que ye quien carga la istalación de codecs (Nun sé por qué Rymthbox nun istala codecs).
Pal messenger, averandote a Ubuntu, meyor istala Emesene (Agregar/quitar programes).
Firefox 3 tieneslu preistalau n'Ubuntu 8.04 ;) Al igual que OpenOffice.
Antivirus nun necesites n'esti sistema:
http://www.kriptopolis.org/linux-virus-popularidad
Un saludu fonderu.
marquinos.