Por què va fracasar la UNA? (O'l fin del espaciu comùn)
Los sollinhaos son mìos:
Xunetu, 2, 2007. de la pàxina d'Unidà:
"el candidatu a la presidencia Ignaciu Llope aclaró que “UNIDÁ ye una coalición electoral formada de cara a les elecciones de mayu pasáu na que s’integraron dellos sectores de la esquierda nacionalista y ecoloxista"¸
Mayu, 29, 2007, de la pàxina d'Unidà, artìculu de German Abad:
"izquierda nacionalista asturiana y verde que naguamos por representar."
Mayu, 18, 2007, de la pàxina d'Unidà, manifiestu de sofitu a les candidatures (que yo firmè):
"pensamos qu’Asturies necesita nueves idees y nueves persones que-y traigan aire frescu a un panorama políticu domináu por PSOE, IU y PP que ta agotáu y que pide a voces un cambiu radical.Poro, sofitamos les llistes que presenta la coalición d’izquierda nacionalista y verde UNIDÁ, una alternativa cola que compartimos la crítica a la corrupción y la especulación y la defensa de la identidá nacional, la cultura d’Asturies y un modelu social, económicu y ecolóxicu afitáu na xusticia social y les polítiques sustentables coles que que la mocedá pueda tener un futuru que nun tea condicionáu pol clientelismu y la precariedá. En definitiva, pidimos el votu pa les candidatures d’UNIDÁ porque camentamos que ye la opción que nestes eleiciones defende la propuesta más sincera, necesaria y viable de país y de conceyos dende una ética política diferente."
Agora UNIDÀ, ye UNIDÀ NACIONALISTA ASTURIANA (ponse lo de nacionalista, nun se pon lo de verde... yo nun podrìa nenguna cosa, pero vamos, si yà nel nome nun quedare claro que de lo que va agora la cosa ye de llevantar barreres, copio un cachu de lo que sal de la entrevista que-y fixeron a German Abad en Les Noticies (los sollinhaos siguen siendo mìos)
"Lo más urxente ye delimitar eso que se llama asturianismu, concretalo y desenvolvelo. Pa mi nun cabe otra concreción que la de la esquierda nacionalista. Nun se puede ser asturianista y españolista al tiempu. Yo namás concibo l'asturianismu como'l nacionalismu d'esquierdes n'Asturies.
Igual lu toi entendiendo mal, pero parez que planteen un proyectu pa restar más que sumar.¿Ye asina?
Non, trátase de clarificar, no de restar. Restar foi lo que se fixo hasta agora cola indefinición y l'ambigüedá. Nun toi falando d'UNA namás, toi falando en términos xenerales. Clarificando puédese acabar sumando.
¿UNA naz con vocación d'integrar a otros partíos? ¿Taría dispuesta a integrase n'otres organizaciones? ¿Consideren tender pontes hacia la redolada IX-Bloque por Asturies? ¿Y hacia Andecha Astur?
Contésto-y a la primer pregunta. Por supuesto que sí. Nós tenemos unos estatutos bien claros onde se reflexa la nuestra identidá como nacionalistes d'esquierdes asturianos. Tamos dispuestos a acoyer a tola xente que quiera abellugase nesti proyectu. Sí, por supuesto. Pero esisten otres organizaciones que tamién se definen como nacionalistes d'esquierdes. ¿Tán dispuestos a falar con ellos? Personalmente opino que somos incompatibles tanto como grupos sectarios como con grupos de la esquierda españolista."
Vamos a la pijada catalana, a la obsesiòn ridìcula y absurda pola pallabra """"nacional"""", vamos acabar pegàndola en toes partes, mesmo que se fexo primero dende'l franquismu, agora ye esto lo que toca. "Nun cabe otra concreciòn" nun ye màs qu'un sinònimu de que o vas conmigo o vas contra min, los otros nacionalistes d'esquierda son sectes (AA), val eso compàrtolo hasta ciertu puntu, pero non menos secta ye la posiciòn d'esti paisanu... IU unos espanholistes?? Pues sì, serànlo, gùsta-yos muncho sacar la tricolor de pasèu, pero paezme que la coincidencia ideolòxica IU-UNA ye mui grande (o deberìa de selo), paezme que'l modelu d'estatutu que defende IX ye'l vàlidu, el correutu, el que deberìa tener asturies. Nacionalidà històrica, oficialidà, drechos, autogobiernu... Ponese a poner portielles y a querer parcelalo too, aquerer ser nòs-los-guapos-los-verdaderos-astrurianos-los-nacionalistes-esencialistes-defensores-de-la-patria contra los malos-espanholes-dereches... Agora pàsase a ser: Nacionalista asturianu amigu, lo demàs espanhol y enemigu. Germàn, yes tu tan sectariu como los d'Andecha, igual igual. Igual que Mariu aquel prohome de Darrèu, alcuèrdome qu'un dìa dexeme pasar per una mani d'ellos del dìa de la naciòn y colè d'ellì en sintiendo'l discursu "o conmigo o contra min", "o asturianu o espanhol", "o blanco o prieto"...
Acàbense los grises, acàbase la "indefiniciòn", acàbense en definitiva, los espacios comunes, los puntos d'alcuentru... Acàbase'l "Grupo Verde", acàbase'l buscar salir del ghetto y faise un programa d'autoafirmaciòn. L'autoafirmaciòn val pa zarrar files, pa bloquear y nun perder eleutoràu de la qu'ùn piensa que pue perdelu, pero nel nivel nel que ta l'asturianismu (y va perdoname Abad, pero yo sì voi falar d'asturianismu nel sentìu ampliu) nun ta la cosa como pa enrocase y nun querer salir "ehì fuera".
Nel nuevu discursu de Germàn Abad, presumo que de la UNA, "indefiniciòn" dexa de ser sinònimu d'un "espaciu comùn de la esquierda, el nacionalismu y l'ecoloxismu" (que ye como a min me vendieron UNIDÀ), ya identifìcase como dalgo malo. El nome d'un partìu diz muncho d'èl, y el cambiu vese claro que nun foi una cuestiòn estètica, ye un reflexu fiel de la evoluciòn d'esta fuercia(Debilidà?) polìtica.
Del discursu d'unidà (a seques), entendìase que si ùn yera ecoloxista, asturianista o d'esquierdes, y nun-y repunaben los otros dos conceutos, tenìa un sitiu na coaliciòn, agora, segùn el nuevu discursu d'unidà (nacionalista asturiana) desprèndese qu'hai que ser asturianu, renegar de la espanholidà, d'esquierdes y bon nacional... Pedirànnos certificàu de cristianu vieyu o fadrà falta un nivel superior d'Ibias?? Yo consiguì votos (màs bien pocos, la verdà, pero conseguìlos) pa esa candidatura integradora que yera Unidà, pero paezme que la xente que los votò nun encaxa nuna candidatura que ye màs discursu andechès con otru llogu, otra firma y otru nome...
Al final nòtase quièn vien d'Andecha y còmo pesa eso na formaciòn polìtica de cada persona. Acàbase por nun ver màs p'allà de onde ùn ta, y d'esta entrevista lo que se ve ye eso, una vuelta a "zarrar el cìrculu", a tener como diz la canciòn fascista "prietas las filas" y vamos ver una deprimente y patètica llucha eleutoral AA-UNA por ver quièn ye màs asturianu o quièn ye menos espanhol... Mentanto que'l PAS duerme, Xuan Xosè apègase a la siella y los d'IU nun presionen no del estatutu al PSOE con romper pautos de gobiernu n'otros conceyos. La incapacidà polìtica ye màs qu'evidente, n'IX porque los acreedores presionen pa que sigan sacando perres nos cargos pùblicos, nel PAS la incapacidà ye personal (d'una persona pa quitase del mediu) y coleutiva (El partìu nun supo renovase y dar nueves cares a un mesmu proyeutu); n'AA la incapacidà hai una incapacidà polìtica pa "transaccionar" y Unidà, que pensàbemos que yera un proyeutu nuevu, frescu y bien pensàu, una "nueva ètica" como decìen daquella, va camìn de ser otru ente incapaz de transaccionar al que-y presta pola vida pintar en suelu fronteres ente los "asturianos de bien" y los "espanholistes danhibles", ente los "esquierdistes de pro" y los que nun lo son...
Pues nada, senhores, pàsenlo bien pintando en suelu fronteres, dando carnès d'asturianìa y faciendo proyeutos pa una tribu cada dìa màs pequenha, mentantu la gran masa d'asturianos medios sigue cola vida mirando con plasmu pa entrevistes como esa.
Si ye que nun se pue vivir del posafuelles al Cà Belenho, del Cà Belenho a la sede, de la sede a Ibias y de Ibias al internet. Hai que posar un poconhìn los pies na tierra... Dicen dellos asturianistes (non con poca razòn) qu'Ovidio y Areces pasen de la llingua porque nun ven (o escuchen) màs allò de la Cai Urìa... a ver si'l fracasu polìticu d'esta xente vien d'una cosa mui asemeyada...
Pero bono, yo enfòtome en que dalgùn dìa dexaràn de xugar al friquismu de pintar rayes pa separtar los bonos de los malos, lo prieto de lo blanco. La polìtica ye de color gris, y si eso nun lo saben, vamos mal. Nun dexa de ser una pena qu'aquel llabor de les nacionales nun tenga nin continuidà nin continuadores.
(Y si daquièn m'entruga por què soi tan crìticu con U/UNA y-y dedico estes llinies, contestarè-y que por dos razones: Primera porque'l mio votu foi pa ellos, y segunda, porque AA y Xuan Xosè dèxolos por imposibles...)
P.D. Esquerra Republicana de Catalunya foi siempre independentista, nes ùltimes eleiciones namài que falò de la independencia con un spot que ponìa "en finando esti spot, quedaràn 30 sg menos pa la independencia"... Los resultaos son mui esplìcitos, d'8 escanhos pasòse a 3... De 5000 votos... echài la cuenta.
Esbilla
del.icio.us
Creo que tas sacando abondo les coses de sitiu. La UNA naz de la xunión de dos organizacines d'izquierda, IAS y Andecha Astur (anque nesta ultima les trampes llegales ficieron que los sectarios golpistes se quedaren col nome), y dende'l primer momentu se vendió como dalgo nacionalista d'izquierda y con caracter ecoloxista y nesi discursu se siguen calteniendo, otra cosa devaluaria lo que ye esta federación. Bien ye ciertu que les pallabres de German Abad podíen ser otres, meyor espresaes, un poco mas apegaes a la rialidá.
Amás, nel momentu que la UNA (o Andecha...) renuncie a lo nacional rebaxando'l so discursu nesi sen ¿que diferencies diba haber con IU nel so discursu a nivel asturianu? Otra historia ye nos conceyos, onde viendo les sos politiques nos que gobierna o la oposición que fai nos que non, pues la verdá d'asturianista dexa munchisimu que desear. Y nun se cual ye'l to casu, pero yo personalmente conozo a bastante xente que ta n'IU y pueu dicite que total convición que la so base d'asturianista nun tien un res, pue aceptar esti discursu, pero nun esperes alcontrar na militancia d'esa organización una complicidá asturianista, porque basicamente nun esiste.
"La UNA naz de la xunión de dos organizacines d'izquierda, IAS y Andecha Astur"
¡MENTIROSU! ¡MENTIROSU! ¡MENTIROSU!
Andecha Astur enxamás escoyó democráticamente facer esa coalición.
Ta perfectamente acreditáu el güelpe y la gran chapuza que ficisteis (incluso firmando baxo notariu una supuesta eleicion de secretaria xeneral nun muerganu nel qu'estatutariamente nin si quiera se podía facer.
Les trampes llegales intentaron faceles los 4 pollinos que tan na federación gaseosa, eso si nun-yos salio la xugada y quedaron retrataos social y llegalmente.
Podeis siguir llorando peles esquines, podeis mentir, siguir uilizando la imaxen y el nome d'andecha astur (ver andechaastur.org o comunicau UNA pal 8 set), etc etc ye la unica estratexa política que parez que teneis clara.
Prestariame saber qu'opinión tien el blogueru de la propuesta abierta presentada por Andecha díes atrás.
Nun se'l por que del to enfotu agora con xirar pa otru llau.
Nun se ta diciendo más que la UNA tien de tener un campu ideoloxicu propiu ente o sobre IU-BxA y AA. Nun se en que mundu vives pero la política ye daque más complicau qu'escribir nun blogue y nun digo que seya malu dar opinión sobre ello nel mesmu, ye entreteniu nel bon sentiu y a vegaes didacticu.
El to discursu ta enraigonau, polo menos a mi me lo paez, en buscar pilancos qu'aportar idegues, eso ye lo cenciello criticar el trabayu de munchos años de dalgunos militantes.
La entrevista hasta ciertu puntu pue ser "maquiavelica" puesto qu'abultame curtia y mui concretada, anque la idega que veo ya la de concrección ideoloxica o autoafirmación. ¿ye malu aotoafirmase nuna conceición ideoloxica nun país onde hai 4 ociones politiques "asturianistas" o nacionalistas (el PAS declarse nacionalista nes sos entamos,...).
Sedría más coherente proponer más que criticar, ye una opinión personal, como ye la entrevista a Germán, nun lo escaezas.
UNA nun dexa de ser un espaciu común, la preba d'ello ye qu'esti rapaz diz les típiques babayaes andechistes como otros nel partíu son a decir coses más coherentes. En definitiva, n'UNA lo que cunta nun son los cabezaleros, somos nós, y contra más seyamos y más agüeyemos esto con un bon puntu críticu (como en parte fai Nicolás) meyor lo anovaremos.
Y nel tema d'IX, hai bien dellos que nun son "españolistes", adicái en Manifiestu...
Home, cuido que, como diz un perhí, el conteníu de la entrevista ye una opinion personal... pero un partíu que quiera facer dalgo tien que cuidar lo que tresmite, y cuenten toles oportunidaes pa facelo. Si lo que tresmite ye que UNA ye UNA, y que nun tien nada que facer con Andecha y con IU-BA... ¿pa quien fala? ¿a quien empobines el discursu? ¿Nun te prestaria que xente qu'agora se identifica con Andecha ya IX o BA tenga simpatía pola to propuesta? Cuido, y ye una opinion personal na que coincido col embaxador, que lo que tresllada esa entrevista ye too menos intelixente si ye qu'el to oxetivu ye'l de medrar y ser una fuercia que tenga dalgo que dicir nel panorama políticu asturianu, que ye'l que hai. Nun hai otro.
Cuido que la UNA tien una oportunidá, con IX a puntu de disolvese (el PCE toma posiciones mientres los xerifes de la formacion tan empalmaos con roblar el pautu con Tini enantes del congresu), col PAS muertu, col PSOE sobrau (yá nun espera un guañu nacionalista) y con un asturianismu güerfanu d'opciones posibles, nes que creer, y que dexen de pensar n'elles mesmes y piensen nel país. De dalguna manera, paezme qu'Unidá tresmitió cierta idea d'esperanza, en bruto, ensin facer, pero que sirvió pa que consiguiera l'apoyu de 4.000 asturianos. Agora queda lo dificil.
UNA entama de puta madre. El dia de la NAción a Candás a presentar la refundación, entrevistes onde insulten a otres formaciones polítiques del so ámbitu d'actución, comunicaos onde se miente sobre l'orixe de la UNA reinventandaselu (ye más misteriosu que'l d'Uviéu), etc etc.
La Unidá d'IAs y Los verdes de los 4 mil votos mutó, la grave crisis d'IAS la espantada de los Verdes y la influencia cada vuelta mayor de los Abad, refundaciones, indefiniciones, executives secretes...y revisionismu pa non iniciaos (dicir que la UNA saco un diputáu sin dicir que yera Coialicón Asturiana quien lo fizo ye d'esquizofrenia - nun ye zapico historiador, ho-)
Pa min perdieron el norte dafechu... y yá sabeis: lo que mal entama mal acaba.
Ala venga neñin si, vete a que te cuente MAF o Mariuuuu mas peliculines pa nun dormir.
Retomando'l debate seriu que se taba desendolcando. Creo que German Abad equivocose nes espresiones qu'usó y que la UNA tien que tener mas procuru a la hora de les manifestacione públiques de les persones mas representatives que tien.
Inda asina creo que l'autor del blog saca les coses de sitiu. La UNA, como cualquier organización politica, tien qu'ocupar un espaciu delimitáu, lo que nun ye de saciu ye un "too val" como tampoco lo ye tornar a los plantegamientos talibanes de la xentuza que güei tien les siegles d'Andecha Astur
Pa los votantes que queríemos ver n'Unidá una propuesta de futuru, de xuntanza del asturianismu y el nacionalismu, moderada y ecoloxista, esta entrevista ye una desgracia.
Toi fartucu yá de personalismos, de ganes de dixebrar y non d'axuntar, de ganes de ser "el más puru" y de manguanaes asemeyaes. Fartucu d'esti malditu asturianismu de ghetto. Nunca tuvimos un putu votu asina y siguiendo per esti camín, enxamás lu vamos tener. Unidá prometiónos ser un proyeutu abiertu a la sociedá, de futuru y de xuntanza. Lo que diz esti paisanu nesa entrevista ye dafechamente lo contrario.
La hestoria de la xuntura del nacionalismu col asturianismu y una montonera de coses más, ya lo saben fasta los más vieyos del llugar.Que guapa ye, queda prestosisima.
Agora si posamos los pies na tierra y vemos la realidá que nos rodea, la meyor solución ye quedase en casa viendo como día tres día van alienando la nuesa cultura , marxinando la nuesa llingua y pisando la nuesa identidá. Esa ye la postura mayoritaria al mio entender.
Llueu tan los que quieren facer coses, una minoria, saliendose del "control" del poder políticu vixente (la politica española).
P'amenorgar la puxanza de fuercies "nun controlaes" hai dellos conceutos que manexen, dende la marxinación esterna, manipulación, intrusión dientru de la cadarma del partiu col fin de desestabilizalu,... Too ello conlleva resignación y falta de confianza interna que xunió a una falta de base ideoloxica de la militancia fina por amestar a l@s activistas a un estau de lletargu, colo cual el "poder" consigue lo que quier.
¿A que vien too esto?, la idega que lanzó ye la de "nun falar de purismos" pero si de contenios. Una fuerza política ensín un camín marcau vuelvese nun "sacu de los inconformistes" que fai que dependiendo per onde sople'l vientu medre o nun medre porque a lo caberu vuelvese nun partiu B ensin más futuru que'l quei quiera dar el númberu d'inconformistes que suel ser un grupu hetereoxeneu y pocu definiu ideoloxicamente.
Consideró qu'UNA ye l'espaciu de xente con marcau calter ideoloxicu pero tamién de xente más prautica, too elo baxu unos puntos mínimos en comuña.
Creo que pal nacionalismu asturianu d'izquierdes la xuntanza d'UNA ye daque positivu y necesariu.